తెలుగు గజల్

నీ చూపే పరిమళించు పద్యంలా ఉంది
నీ మాటే మధురమైన వాద్యంలా ఉంది

తొలకరి జల్లులాగ ఒక్కసారి తొంగి చూడరాదా
నీవు లేని బ్రతుకు ఎడారిలో సేద్యంలా ఉంది
||నీ చూపే||

ప్రణయమూర్తివనుకున్నా పాషాణమైపోతివే
నా మది నువు తాకని నైవేద్యంలా ఉంది
||నీ చూపే||

నీ పేరు తలవగానే మాట తడబడుతుంది
నీ తలపే యుగయుగాల మద్యంలా ఉంది
||నీ చూపే||

ఎపుడు నీ తోడుగ నాకుండాలని ఉంటుంది
నీడ లాగ మారితేనే సాధ్యం లా ఉంది
||నీ చూపే||